Exposición no Espazo EMAO ata o 13 de decembro: EMAO Proxectos 2013

proxectos emao 2013 p def
Proxecto: unha tarefa planificada que consiste nun conxunto de actividades que se atopan interrelacionadas e coordinadas; a razón dun proxecto é acadar obxectivos específicos dentro dos límites que impoñen un orzamento e un lapso de tempo previamente definidos. A xestión de proxectos é a aplicación de coñecementos, habilidades, ferramentas e técnicas ás actividades dun proxecto para satisfacer os seus requisitos.

Dentro das medidas implementadas no Plan de Normalización Curricular, iniciado na EMAO no curso 2008-2009, deseñouse, para o alumnado que remataba os seus estudos nas distintas especialidades, a opción Aula Aberta-Proxectos. Nela ofrecíaselle a posibilidade de desenvolver, durante un ano, un proxecto de carácter persoal no que plasmar as aprendizaxes e inquedanzas do seu paso pola especialidade cursada na Escola. Este proxecto individual –seleccionado previamente polo seu mestre/a, e supervisado por el/ela durante o seu desenvolvemento posterior en réxime de titoría– pode ter un carácter investigador, creador, de afondamento nunha técnica ou nunha idea, de experimentación con novos materiais…

Nesta exposición presentamos algúns dos proxectos dos/as alumnos/as que remataron os seus estudos no curso 2011-2012 e que, ao longo do presente ano, materializaron a súa proposta inicial, man a man co seu titor/a. Do proceso proxectual, recóllense aquí os resultados, os productos creativos ou artesanais, que representan o froito parcial, unha mostra especial, da experiencia e o coñecemento vivido nas aulas e obradoiros ao longo dos seus estudos.

Producción: Escola Municipal de Artes e Oficios de Vigo (EMAO) 2013

Montaxe: Mestres/as da EMAO de Pintura, Debuxo, Escultura e talla en madeira, Serigrafía, CAIM Gaita, Artesanía en coiro, Cerámica, Deseño e encaixe de palillos. Axudante de montaxe: Alberto Couñago.

Exposición colectiva da EMAO: Branco e Negro

Exposición Branco e Negro
Lugar: Espazo EMAO -Sala de exposicións da Escola Municipal de Artes e Oficios (entrada polas rúas Pontevedra e Rosalía de Castro)
Datas: 18 de xullo ao 3 de outubro de 2013 (agosto pechado)
Horario: luns a venres de 19:00 a 21:00 horas.
Dentro da súa programación anual, a Escola Municipal de Artes e Oficios de Vigo(EMAO), promove, organiza e produce a edición do seu proxecto expositivo de fin de curso, baixo a denominación de Branco e Negro. Unha exposición do seu alumnado, coa que se quere amosar á cidade o traballo realizado durante o curso 2012-2013 a partir dun tema xerador común, o que dá título á mostra, ao redor do cal elaboraron as propostas artísticas e artesanas os distintos obradoiros que compoñen a Escola.
Non se trata dunha mera exposición fin de curso, senón dun proxecto común inserido no mundo da arte e a artesanía contemporánea, concebido e deseñado baixo criterios da maior profesionalidade. Os proxectos que agora se expoñen son abordados dende diferentes perspectivas, mais conservan rasgos estilísticos e conceptuais. Aínda que o tema central é Branco e Negro, este remítese a un dualismo relacionable con outros conceptos en principio enfrontados entre sí, como: baleiro-cheo; luz-escuridade e ruído/son-silencio.
Con esta mostra, a EMAO inicia o que será, nos anos vindeiros, a súa proposta Fin de curso anual, que se desenvolverá entre xuño e outubro de cada ano, coincidindo coa finalización dun curso e o comezo doutro: unha exposición que recolla os resultados do proxecto común de tódolos obradoiros lanzado ao comezar cada curso –esta é a mostra que agora presentamos–, e unha exposición na que se exhibirán os productos artísticos ou artesanos, individuais, de aqueles/as alumnos/as seleccionados na convocatoria anual de Proxectos de fin de estudos, que se se abrirá ao público a mediados do mes de outubro de 2013.

A cerámica castrexa en Galicia: investigación e recuperación


O Sexto Edificio do Museo de Pontevedra acolle desde o mércores 15 de maio, ás 20:00 h, e ata o 16 de xuño, domingo, a mostra A cerámica castrexa en Galicia: investigación e recuperación, da que é comisaria Mar Cortegoso Comesaña.

Esta exposición está organizada pola Fundación Terra Termarum Castrolandín e promovida pola Deputación de Pontevedra e o Concello de Cuntis.

Nela exhíbense oito pezas reconstruídas do xacemento de Castrolandín e sesenta réplicas procedentes dos seguintes vinte e un castros galegos: Meirás, Elviña, Borneiro, Baroña, Neixón Grande, A Lanzada, San Cibrán de Tomeza, Montealegre, O Facho de Donón, Illas Cíes, Vigo, Punta do Muíño do Vento, Toralla, Santa Trega, Torroso, Fozara, Castromao, San Cibrán de Lás, Coto do Mosteiro, Barán, Viladonga, Zoñán e Illa de Xuances.

A mostra compleméntase cun ciclo de conferencias que se vai desenvolver ás 20:00 h no salón de actos do Sexto Edificio, de acordo co seguinte programa:

Día 22 de maio

Volvendo ó pasado de Cuntis para cambiar o presente. Trece anos da Fundación Terra Termarum Castrolandín

Carlos Otero Vilariño, arqueólogo director das campañas de escavación en Castrolandín

Presenta Mar Cortegoso Comesaña

Día 29 de maio

A cerámica castrexa en Galicia: un proxecto de investigación e recuperación

Mar Cortegoso Comesaña, arqueóloga do Proxecto de Investigación da Cerámica Castrexa en Galicia realizado pola Fundación Terra Termarum

Presenta: Josefa Rey Castiñeiras, profesora titular do Departamento de Historia I da Universidade de Santiago

Día 5 de xuño

Potas, potes e castros: modelando unha imaxe renovada da Idade do Ferro

Xurxo Ayán Vila, arqueólogo investigador no INCIPIT-CSIC

Presenta: Mario Touceda Torres, coordinador de actividades da Fundación Terra Termarum

Nueva Botella Conmemorativa de Aguas de Mondariz, diseñada por Sargadelos

Imagen de la botella.

Aguas de Mondariz ha elegido a Sargadelos para diseñar la botella con la que la marca conmemora sus 140 años de historia. El nuevo envase de cerámica fue presentado ayer en un acto en Santiago y consta de una edición limitada de 300 unidades. La botella está elaborada en el tono azul sobre fondo blanco característico de Sargadelos y en ella se pueden apreciar el primer logotipo que tuvo la marca y el actual, y la verja que protege la fuente de Troncoso, uno de los dos manantiales de la marca junto con el de Gándara.

Link